ප්‍රවාහන,මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතාගේ සංකල්පයකට අනුව හෝමාගම පුරවරය කේන්ද්‍ර කරගනිමින් සංවිධානය කෙරෙන “2024 ධර්ම රශ්මි” පොසොන් කලාපයේ සමාරම්භක උත්සවය පිටිපන NSBM හරිත සරසවි භූමියේදී ගරු අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් පැවැත්විණි.
පොසොන් කලාපය සමාරම්භ කරමින් NSBM හරිත සරසවියේ සිසුන් සහ කාර්ය මණ්ඩලය එහි සංගීත අංශය සමඟ එක්ව ඉදිරිපත් කරන ලද බැති ගී සරණිය අග්‍රාමාත්‍ය දිනේෂ් ගුණවර්ධන මහතා ගේ ප්‍රධානත්වයෙන්, ආරාධිත අමුත්තන් රැසකගේ සහභාගිත්වයෙන් NSBM හරිත සරසවි පරිශ්‍රයේදී ආරම්භ විය.
පාර්ලිමේන්තු මන්ත්‍රී යදාමිණි ගුණවර්ධන මහතා, ප්‍රවාහන හා මහාමර්ග අමාත්‍යංශ ලේකම් රංජිත් රූබසිංහ මහතා, ජනමාධ්‍ය අමාත්‍යංශ ලේකම් අනුෂ පැල්පිට මහතා, විදේශ රටවල් රැසක තනාපතිවරුන් ඇතුළු රාජ්‍යතාන්ත්‍රික නිලධාරීන්, රාජ්‍ය නිලධාරීන් ඇතුළු ආරාධිතයින් විශාල පිරිසක් සමාරම්භක උත්සවයට සහභාගි විය.
