ආපදාවලින් අසරණ වූ ජනතාවට ලබා දෙන වියළි සලාක සහ පිසුණු ආහාරවලට වෙන් වූ මුදල් වැඩි කර ඇති බවට රජය පැවසුවත් ඊට අදාළ නෛතික බලතල ලබා දෙන චක්රලේඛනයක් තවම නිකුත් කර නොමැති බවට ප්රාදේශීය ලේකම්වරු පවසන බවත් මේ සඳහා ලබා දෙන මුදල් වැඩි කර ඇති බවට පාර්ලිමේන්තුවේ පමණක් ප්රකාශයට පත් නොකර නව චක්රලේඛයක් හරහා නෛතිකව ප්රාදේශීය ලේකම්වරු දැනුවත් කරන ලෙසත් විපක්ෂ නායක සජිත් ප්රේමදාස මහතා පාර්ලිමේන්තුවේදී පැවසීය.
වාචිකව උපදෙස් ලබා දීම ප්රමාණවත් නොවන බවත් අදාළ නිලධාරීන් එම වැඩි කළ මුදල් ක්රියාත්මක කරන්නේ චක්රලේඛයක් හරහා බැවින් මේ චක්රලේඛය වහාම නිකුත් කරන ලෙස ඉල්ලා සිටින බවත් විපක්ෂ නායකවරයා මෙහි දී ඉල්ලා සිටියේය.
