ඉදිරි දින 10ක් පුරා ශ්රී ලංකාවේම ගම්, නගර, කුඩා නගර හා කුඩා ගම් පාසා සමගි ජන බලවේගයට නව සාමාජිකයන් ලක්ෂ 20ක් බඳවා ගැනීමේ වැඩසටහන ක්රියාත්මක වන බවත් පළාත් 9ම දිස්ත්රික්ක 25ම ප්රාදේශීය ලේකම් හා උප ප්රදේශීය ලේකම් බල ප්රදේශ 341ක, ග්රාම නිලධාරී වසම් 14021ක කුඩා ගම් නියම් ගම් 51000ක සිටින මෙරට ලක්ෂ 220ක් ජනතාවගෙන් බහුතරයක් සමගි ජන බලවේගය සමඟ රට ගොඩ නැගීමට එක්වන බවත් විපක්ෂ නායකවරයා පැවසීය.
රට ස්වංයපෝෂිත කරන්නට, දුප්පත්කමින් තොර රටක් බිහි කරන්නට, ව්යාවසායකත්වය ව්යාප්ත වන ආර්ථික වර්ධනය වේගවත් වී එහි ප්රතිලාභ සැමට ලැබෙන රටක් ගොඩ නැගීමට එක්වන ලෙස ලක්ෂ 220ක් ජනතාවගෙන් ඉල්ලා සිටින බව විපක්ෂ නායක සජිත් ප්රේමදාස මහතා පැවසීය.
‘‘ඔබ දිනන රට හැදෙන ගමනකට’ යන තේමාව පෙරදැරි කර ගනිමින් සමගි ජන බලවේගයට නව සාමාජිකයන් ලක්ෂ 20ක් බඳවා ගැනීමේ දීප ව්යාප්ත වැඩසටහන අද (7) සිට ආරම්භ විය. එහි කොළඹ දිස්ත්රික් වැඩසටහන විපක්ෂ නායක සජිත් ප්රේමදාස මහතාගේ ප්රධානත්වයෙන් අද කොළඹ දී ආරම්භ විය.
මෙම වැඩසටහන අද (7) සිට ජුනි 16 වැනි දා දක්වා දින 10ක කාලයක් දිවයිනේ සෑම මැතිවරණ කොට්ඨාසයක්ම ආවරණ වන පරිදි මැතිවරණ කොට්ඨාස මට්ටමින් සිදු කරනු ලැබේ.
