යාපනේ මාලිමා විජයග්රහණය පිටුපස චරිත දෙකක්..!
මෙවර ජනාධිපතිවරණයේ දී යාපනය දිස්ත්රික්කය ජය ගැනීමට ජනාධිපති අනුර කුමාර දිසානායක මහතාගේ නායකත්වයෙන් යුතු ජාතික ජන බලවේගය සමත් විය.
පසුගිය ජනාධිපතිවරණයේ දී යාපනය දිස්ත්රික්කයෙන් ජාතික ජන බලවේගයට ලැබී තිබුණේ ඡන්ද 27,086 ක් පමණි. එය ප්රතිශතයක් ලෙස 7.29% කි.
ජනාධිපතිවරණයේ දී එතරම් අඩු ඡන්ද සංඛ්යාවක් ලබා සිටි ජාතික ජන බලවේගය ඉන් මාස දෙකකටත් අඩු කාලයක දී පවත්වන ලද පාර්ලිමේන්තු මැතිවරණයේ දී යාපනය දිස්ත්රික්කයෙන් ඡන්ද 80,830 ක් ලබා ගත්තේ ය. ප්රතිශතයක් ලෙස එය 24.85% ඡන්ද ප්රමාණයකි.
මෙතරම් විශාල ජයග්රහණයක් යාපනය දිස්ත්රික්කය තුළ ලබා ගැනීමට ජාතික ජන බලවේගයට හැකි වූවේ ප්රධාන චරිත දෙකක අප්රතිහත ධෛර්යය සහ කැපවීම මත යැයි වාර්තා වේ.
එම චරිත දෙක වන්නේ, බිමල් රත්නායක සහ රාමලිංගම් චන්ද්රසේකරන් ය.
ජනාධිපතිවරණය අවසන් වීමෙන් පසුව, ඔවුන් දෙදෙනා යාපනයේ නතර වී මහමැතිවරණය සදහා සූදානම් වී ඇති බව පැවසේ.
ජනාධිපතිවරණයත් මහ මැතිවරණයත් අතර කාලයේ දී ඔවුන් දෙදෙනා විශාල රැස්වීම් ප්රමාණයක් යාපනයේ පවත්වා ඇති අතර, එම රැස්වීම් සදහා විශාල තරුණ පිරිසක් සහභාගීවී ඇති බවද පැවසේ.
යාපනයේ පැවති අවසන් රැස්වීම සදහා ජනාධිපති අනුර ක-ුමාර දිසානායක මහතා සහභාගී වූ අතර, එම රැළියට අති විශාල ජනතාවක් සහභාගී වී සිටි බව නිරීක්ෂණය කළ හැකි විය.
මෙම රැස්වීම සදහා අනුර කු-මාර දිසානායක ජනාධිපතිවරයාට අවශ්යනම් හෙලිකොප්ටරයකින් පැමිණිය හැකි වුවත්, එය ඡන්ද රැස්වීමක් බැවින් ජනාධිපතිවරයා එම ගුවන් ගමන ප්රතික්ෂේප කර තිබෙන බවද වාර්තා වේ.
