2019 පාස්කු ඉරිදා බෝම්බ ප්රහාරය වත්මන් රජය දේශපාලන වාසි තකා යොදාගන්නා බවට ශ්රී ලංකා පොදුජන පෙරමුණේ පාර්ලිමේන්තු මන්ත්රී නාමල් රාජපක්ෂ මහතා චෝදනා කරනවා.
මෙවැනි ඛේදවාචකයක් දේශපාලන මෙවලමක් ලෙස යොදා නොගන්නා ලෙසත් එවැනි ක්රියා කපටි හා ලැජ්ජා සහගත බවත් ඔහු විසින් සිය නිළ ‘X’ ගිණුමෙහි සටහනක් තබමින් පවසා තිබෙනවා.
නාමල් මහතා පෙන්වා දෙන්නේ එවකට ජනාධිපතිවරයා විසින් නිකුත් කරන ලද නියෝගවලට අනුකූලව, විනිසුරු ජනක් ද සිල්වාගේ සභාපතිත්වයෙන් යුත් ජනාධිපති විමර්ශන කොමිසමේ (PCoI) අවසන් වාර්තාව 2021 පෙබරවාරි 23 වන දින විධිමත් ලෙස පාර්ලිමේන්තුවට ඉදිරිපත් කර තිබෙන බවයි
එම වාර්තාව 2021 පෙබරවාරි 25 වන දින පමණ පාර්ලිමේන්තුවේ සභාගත කරන ලද බවත් එය පාර්ලිමේන්තුවේ නිල වෙබ් අඩවය හරහා ලබා ගත හැකිබවත් සිය නිවේදනයෙන් පෙන්වා දෙනවා.
මෙම වාර්තාවේ අන්තර්ගතය දැනටමත් නීතිපතිවරයා සතුව පවතින බවත් සම්පූර්ණයෙන්ම දැනුවත් කර තිබෙන බවත් නාමල් මහතා පවසනවා.
Felipa Johns says: 
