රට තුළ පවතින ආරක්ෂක තත්ත්වය සහ පාතාල ක්‍රියා සම්බන්ධයෙන් මහජන ආරක්ෂක අමාත්‍ය ආනන්ද විජේපාල මහතා අද (21) පාර්ලිමේන්තුවේදී පැහැදිලි කිරීමක් කළා.
එහිදී ඔහු වැඩිදුරටත් සඳහන් කළේ,
“භේදයකින් තොරව පොලිස් නිලධාරියෙක්ද, හමුදා නිලධාරියෙක්ද, අපරාධකරුවෙක්ද, කියන එක පදනමකින් තොරව ඕනෑම සිද්ධියකට සම්බන්ධ ඕනෑම අයෙකු අත්අඩංගුවට ගැනීමට අපි පසුබට වෙන්නේ නෑ.
මිද්දෙණිය සිද්ධියේ සැකකරුවන් අත්අඩංගුවට අරන් තියෙනවා. ඒ සැකකරුවන් අතරත් පොලිස් නිලධාරියෙක් ඉන්න බව පැහැදිලි වෙලා තියෙනවා. ඊයේ දිනයේදී ගරු ජනාධිමා මං හිතන්නේ උපදේශ කාරක සභාවේදී අවධාරණය කරා වගේම මේ පාතාල ක්‍රියාකාරකම් සඳහා සමහර රාජ්‍ය ආයතන වල අනුග්‍රහයෙන් ලැබෙන බවට පැහැදිලි. විශේෂයෙන් පොලීසිය.
මම පොලිසිය භාර නැත්නම් මහජන ආරක්ෂක අමාත්‍යවරයා හැටියට ඒ ගැන දැඩි අවධානය යොමු කරලා තියෙනවා. ඒ පිළිබඳව තින්දු තීරණ අරන් තියෙනවා. ඉදිරියටත් ඒ පිළිබඳව තීන්දු තීරණ ගන්න බලාපොරොත්තු වෙනවා. ඒ හින්දා මම මේ ගරු සභාවට කියන්න කැමති කිසිදු ලෙසකින් හෝ මේ රටේ ජාතික ආරක්ෂාවට බිඳකික් හෝ බාධාවක් වෙන්න අපි ඉඩ තියන්නේ නෑ.”
