Live 24

Wednesday
July 30, 2025
loader-image
temperature icon 27°C
broken clouds
Wednesday
July 30, 2025
Image

නව පනතක් ගේන තුරු PTA එක ක්‍රියාත්මක කරනවා

ත්‍රස්ත විරෝධී පනත ආණ්ඩුවේ අභිලාශය හෝ ප්‍රතිපත්තිය නොවන අතර නව පනතක් සම්මත කරගන්නා තෙක් එය ඉතා පරිස්සමෙන් පවත්වාගෙන යන බව සභානායක බිමල් රත්නායක පවසනවා.

අද (21) පාර්ලිමේන්තුවේදි අමාත්‍යවරයා මේ බව සඳහන් කළා.

ITAC මන්ත්‍රී එස්. ශ්‍රීධරන් මහතාට මුහුණ දීමට සිදුවීමක් සම්බන්ධයෙන් ප්‍රශ්න කරමින් සමඟි ජන බලවේගයේ මන්ත්‍රී රවුෆ් හකීම් මහතා අද පාර්ලිමේන්තුවේදී මෙම රජය ත්‍රස්ත විරෝධී පනත අනුව කටයුතු කරන්නේදැයි සම්බන්ධයෙන් සිදු කළ අදහස් දැක්වීමකින් අනතුරුව බිමල් රත්නායක මහතා මේ බව ප්‍රකාශ කළා.

මෙහිදී හකීම් මන්ත්‍රීවරයා සඳහන් කළේ ශ්‍රීධරන් මහතා තමිල්නාඩුව බලා පිටත්ව යාමට සිටියදී බණ්ඩාරනායක ජාත්‍යන්තර ගුවන්තොටුපළේ  ප්‍රභූ විවේකාගාරයේදී ආගමන නිලධාරීන් ඔහුට සංචාරක තහනමක් ඇති බව පවසමින් බාධා කර ඇති බවයි.

කෙසේවෙතත්, සංචාරක තහනමක් පැනවීමට අධිකරණ නියෝගයක් තිබිය යුතු බවත් එවැනි අධිකරණ නියෝගයක් නොමැති බවත් මන්ත්‍රී හකීම් මහතා පැවසූ අතර, ඒවා පැහැදිලි කිරීමෙන් පසු පාර්ලිමේන්තු මන්ත්‍රී ශ්‍රීධරන් මහතාට ඉදිරියට යාමට අවසර දුන් බවත් සඳහන් කළා.

ආගමන හා විගමන පාලක ජෙනරාල්වරයාට මේ සම්බන්ධයෙන් සොයා බලා වාර්තාවක් ඉදිරිපත් කරන ලෙස උපදෙස් දී ඇති බවත්, ආරක්ෂක නියෝජ්‍ය අමාත්‍යවරයාට ද මේ පිළිබඳව සොයා බැලීමට දැනුම් දී ඇති බවත් අමාත්‍ය බිමල් රත්නායක මහතා මෙහිදී පවසා සිටියා.

මෙය ත්‍රස්ත විරෝධී පනත අනිසි ලෙස භාවිතා කිරීමක් ද යන්න පැහැදිලි නැති බවත්, රජයේ ප්‍රතිපත්තිය හෝ මග පෙන්වීම මත එය සිදු කර නොමැති බවත් ඔහු තවදුරටත් සඳහන් කළා.

Releated News

තිසකුට්ටි අධිකරණය හමුවේ කනගාටුව පළ කරයි

ජනාධිපති අනුර කුමාර දිසානායක මහතා සම්බන්ධයෙන් තමන් සිදුකළ ප්‍රකාශය පිළිබඳව කොන්දේසි විරහිතව කණගාටුව පළ කරන බව ශ්‍රී ලංකා…

Jul 29, 2025
ප්‍රියන්ත ජයකොඩි CID අත්අඩංගුවට

විශ්‍රාමික ජ්‍යෙෂ්ඨ නියෝජ්‍ය පොලිස්පති ප්‍රියන්ත ජයකොඩි මහතා අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන තිබෙනවා. ඒ කෙහෙල් බද්දර පද්මේ නැමැත්තා තමන්ට…

Jul 29, 2025
නාමල් අත්අඩංගුවට ගන්න නියෝග

පාර්ලිමේන්තු මන්ත්‍රි නාමල් රාජපක්ෂ මහතා අත්අඩංගුවට ගන්නැයි අධිකරණයෙන් අද (28) වරෙන්තු නිකුත් කළා. ඒ හම්බන්තොට මහේස්ත්‍රාත් අධිකරණයේ විභාග…

Jul 28, 2025
හිටපු ජනාධිපතිවරුන්ගේ හිමිකම් ඉවත් කරන පනතට කැබිනට් අනුමැතිය

පොහොසත් රටක් – ලස්සන ජීවිතයක්” යන  රජයේ ප්‍රතිපත්ති ප්‍රකාශයේ සඳහන් කර ඇති පරිදි හිටපු ජනාධිපතිවරුන්ට සහ ඔවුන්ගේ පවුල්වලට…

Jul 22, 2025

Leave a Reply

Your email address will not be published. Required fields are marked *