එවකට පැවති පාලන තන්ත්රයට විරෝධය පළ කරමින් 2022 වසරේ ආරම්භ වූ ගාලු මුවදොර මහජන අරගලයට සම්බන්ධ වූ පුද්ගලයින්ට එරෙහිව අධිකරණයේ පවතින නඩු ඉවත් කිරීම සම්බන්ධයෙන් නීතිපති දෙපාර්තුමේන්තුව සමඟ සාකච්ඡා ආරම්භ කර තිබෙනවා.
රජයේ ප්රකාශකයෙකු News 19 වෙත මේ බව සඳහන් කළා.
ඔහු වැඩිදුරටත් පවසා සිටියේ, බරපතළ අපරාධමය සිදුවීම් හැර නඩු කිහිපයක් මෙලෙස ඉවත් කිරීම සඳහා සලකා බලන බවයි.
එම නඩු මීළඟට කැඳවන අවස්ථාවේදී ඒ සම්බන්ධයෙන් කරුණු මහේස්ත්රාත් අධිකරණයට වාර්තා කරන බවත් ඔහු සඳහන් කළා.
