22 ආණ්ඩුක්‍රම ව්‍යවස්ථා සංශෝධනයට සහයෝගය නොදැක්වුව හොත් එදිනම රාත්‍රියේම පාර්ලිමේන්තුව විසුරුවා හැරීමේ සූදානමක් ඇති බව පාර්ලිමේන්තු මන්ත්‍රී ගාමිණී වලේබොඩ පවසනවා.
22 ආණ්ඩුක්‍රම ව්‍යවස්ථා සංශෝධනය ලබන සතියේ පාර්ලිමේන්තුවට ඉදිරිපත්වීමට නියමිත බවයි මාධ්‍ය හමුවකට එක්වෙමින් මන්ත්‍රීවරයා සඳහන් කළේ.
එය පාර්ලිමේන්තුවේ තුනෙන් දෙකෙන් සම්මත කරගැනීම මේ කටයුත්තට ප්‍රවේශවී සිටින ජනාධිපතිතුමා ඇතුළු කණ්ඩායමට මේ වන විට අභියෝගයක් වී ඇති බවයි මන්ත්‍රීවරයා ප්‍රකාශ කළේ.
නිර්මාණය වී ඇති අවිනිශ්චිතතාවය කළමනාකරණය කරගැනීම සඳහා පාර්ලිමේන්තුව විසුරුවා හැරීම කෙරෙහි අවධානය යොමු කිරීමට ජනාධිපතිවරයාට සිදුව ඇති බවද ඔහු සඳහන් කළා.
මේ වන විට පාර්ලිමේන්තුව විසුරුවන ගැසට් පත්‍රය පිළියෙල කර අතේ තබාගෙන සිටින බවත් 22 ආණ්ඩුක්‍රම ව්‍යවස්ථා සංශෝධනයට සහයෝගය නොදැක්වුව හොත් එදින රාත්‍රීයේම පාර්ලිමේන්තුව විසුරුවා හරින බවට තොරතුරු ලැබී ඇති බවයි පාර්ලිමේන්තු මන්ත්‍රී ගාමිණී වලේබොඩ වැඩිදුරටත් සඳහන් කළේ.
youtube to mp3 says: 
8171ehsaasnews says: 
