හිටපු අමාත්‍ය අනුර ප්‍රියදර්ශන යාපා මහතා අපරාධ පරීක්ෂණ දෙපාර්තමේන්තුව විසින් අද (22) පස්වරුවේ අත්අඩංගුවට ගත් බව පොලිස් මාධ්‍ය ප්‍රකාශක බුද්ධික මනතුංග මහතා පවසනවා.
මීට අමතරව ඒ මහතාගේ බිරිඳ ද අත්අඩංගුවට ගෙන තිබෙනවා.
2014 වසරේදී අගබාගයේ බිංගිරිය නාරම්මල ප්‍රෙද්ශවල ගංවතුරෙන් අවතැන් වු පුද්ගලයින්ට සහන සැලසිමේ මුවාවෙන් ලංකා ඛණිජ තෙල් නීතිගත සංස්ථාව මඟින් රුපියල් මිලියන 6.1ක මුදලක් ලබා ගෙන එම මුදල 2015 වසරේ ජනාධිපතිවරණ ප්‍රචාරක කටයුතු කිරීමේ චෝදනාව මත ඔවුන් අත්අඩංගුවට ගත් බව පොලිස් මාධ්‍ය ප්‍රකාශකවරයා පවසනවා.
ඒ අනුව නීතිපතිගේ උපදෙස් මත මොවුන් අත්අඩංගුවට ගෙන තිබෙන අතර හෙට (23) දිනයේ කොළඹ මහේස්ත්‍රාත් අධිකරණයට ඉදිරිපත් කිරිමට නියමිතයි.
