අනිවාර්යෙන් පරීක්ෂා කළ යුතු රතු ලේබලයෙන් යුතු බහාළුම් වැඩි ප්රමාණයක් ඇතුලත් බහාලුම් 323ක් කිසිදු පරීක්ෂාවකින් තොරවක් වරායෙන් පිට කර ඇති බවට රේගු නිලධාරීන්ගේ සංගමය චෝදනා කරයි.
එම සංගමයේ සභාපති අමිල සංජීව පෙන්වා දෙන්නේ එසේ පරීක්ෂාවකින් තොරව පිට කරන ලද බහුලුම් 323 අතරින් අති බහුතරයක් රතු ලේබලය යටතේ දැඩිව පරීක්ෂා කළ යුතු බහලූම් බවයි. එමෙන්ම අදාල බහාලුම් තොගය පසුගිය සෙනසුරාදා දිනයේ (18) වරායෙන් මුදාහැර තිබෙනවා .
මෙසේ පරීක්ෂාවෙන් තොරව මුදා හැර ඇති බහුළුම් අතුරින් සියයට අසූවක් පමණම එතරම් දැඩි පරීක්ෂාවට ලක් කළ යුතු ඒවා වන බවද හෙතෙම කියා සිටී.
මෙවන් බහාලුම් මුදාහැරීමකට කිසිවෙකුට බලයක් නැති බවත් පැවසූ ඔහු පරීක්ෂාවකින් තොරව මේවා සමාජයට මුදා හැරීමට හරහා අවි ආයුධ, මත්ද්රව්ය, බාල ඖෂධ මෙන්ම ඕනෑම නීති විරෝධී බහාලුම් තිබිය හැකි බවද කියා සිටී.
මේවා සම්බන්ධයෙන් අංගනවල කටයුතු කරන රේගු නිලධාරීන් වගකීම බාර නොගන්නා බවත් හෙතෙම මාධ්ය හමුවූ අමතමින් තවදුරටත් පැවසුවේය.
රේගු අධ්යක්ෂවරයාගේ අනුදැනුමක් සහිතව මෙම ක්රියාවන් සිදුව ඇතැයි පවසන ඔහු ඊට විරෝධය පාමින් අද දිනයේ තම රාජකාරි වලින් ඉවත් වී තිබේ.
මේ අතර අදාල සිදුවීමට විරෝධය පල කරමින් බහාලුම් අංගන වල සේවය කරන සියළු නිළධාරීන් සේවයෙන් ඉවත් වී ඇති අතර, ජනාධිපතිවරයා සමඟ පැවති සාකච්ජාවකින් පසු ඔහුගේ ඉල්ලීම මත නැවත සේවකයින් රාජකාරී සඳහා වර්තා කොට තිබුණා.
