විදුලිය ගාස්තුව 22.5%කින් හෙට සිට අඩු කෙරේ

මෙම වසර සඳහා වූ දෙවැනි විදුලිය ගාස්තු සංශෝධනය ලෙස හෙට (16) සිට ක්‍රියාත්මක වන පරිදි විදුලිය ගාස්තු සංශෝධනය කරන බව මහජන උපයෝගීතා කොමිසම සඳහන් කළ්ය.

ඒ අනුව විදුලිය ගාස්තුව සියයට 22.5කින් අඩුකෙරෙනු ඇති.

මහජන උපයෝගීතා කොමිසමේ සභාපති  මහාචාර්ය මංජුල ප්‍රනාන්දු මහතා සඳහන් කළේ, ගෘහස්ථ විදුලි ඒකකයක මිල රුපියල් 8 සිට රුපියල් 6 දක්වා මෙම නව සංශෝධන අනුව මිල අඩු වන බවයි.

ඒ අනුව ගෘහස්ථ විදුලිය ඒකක 30ත් 60ත් අතර අගය රුපියල් 20 සිට රුපියල් 9 දක්වා අඩුකර තිබෙනවා.

එය 55%ක අඩුවක්.

ඒ අනුව විදුලිය ඒකක 30ක් භාවිතා පාරිභෝගිකයෙකුගේ විදුලිය ගාස්තුව රුපියල් 280ක් බව මහජන උපයෝගීතා කොමිසම සඳහන් කළේ ය.

ඒකක 60ක් භාවිතා කරන පාරිභෝගිකයෙකුගේ විදුලිය බිල, නව සංශෝධනය අනුව රුපියල් 700ක් වනු ඇති.