2025 වර්ෂය වෙනුවෙන් මුදල් කොමිෂන් සභාව විසින් ඉදිරිපත් කර ඇති නිර්දේශ ක්රියාත්මක කිරීමට කැබිනට් මණ්ඩල අනුමැතිය හිමි වුණා.
ආණ්ඩුක්රම ව්යවස්ථාවේ 154 ජ ව්යවස්ථාවේ විධිවිධාන පරිදි පළාත් සභා සඳහා අවශ්ය සම්පත් අවශ්යතාවන් පිළිබඳවත්, පළාත් සභා සඳහා ජාතික අයවැයෙන් වෙන් කෙරෙන ප්රදානයන් එක් එක් පළාත් සභාව සඳහා වෙන් කර දීමේ මූලධර්ම පිළිබඳවත් නිර්දේශ ඉදිරිපත් කිරීම මුදල් කොමිෂන් සභාව වෙතපැවරී තිබෙනවා.
ඒ අනුව, එක් එක් පළාත් සභාව වෙනුවෙන් 2025 වර්ෂයේ ජාතික අයවැය මඟින් වෙන් කර දීම සඳහා මුදල් කොමිෂන් සභාව විසින් නිර්දේශ කරනු ලබන පුනරාර්වර්තන හා ප්රාග්ධන වියදම් අවශ්යතා ඇතුළත් වාර්තාව එම කොමිෂන් සභාව විසින් ඉදිරිපත් කරනු ලැබ තිබුණා.
එම වාර්තාවේ නිර්දේශ ක්රියාත්මක කිරීමටත්, ආණ්ඩුක්රම ව්යවස්ථාවේ 154ජ (7) අනුව්යවස්ථාවේ විධිවිධාන පරිදි එම නිර්දේශ ක්රියාත්මක කිරීමටත් පාර්ලිමේන්තුව වෙත ඉදිරිපත් කිරීමටත් ජනාධිපතිවරය ඉදිරිපත් කළ යෝජනාවට අමාත්ය මණ්ඩලයේ අනුමැතිය හිමිව තිබෙනවා.
