ඡන්ද ගණන් කිරීම අතරතුර මනාප ගණන් කිරීමේ අවස්ථාවක් එළඹුණහොත් ප්‍රචණ්ඩ ක්‍රියා ඇතිවීමේ වාතාවරණයක් තිබෙන බවට බොරු ප්‍රචාරයක් සමාජය තුළ හුවමාරු වන බව හිටපු මැතිවරණ කොමසාරිස් මහින්ද දේශප්‍රිය මහතා පවසනවා.
මෙම ප්‍රචාරය එක්තරා ප්‍රසිද්ධ දේශපාලනඥයෙක් සහ සහයක දේශපාලනඥයින් දෙදෙනෙක් විසින් සිදු කරන ලද කතාවක් ඔස්සේ සමජාගත කර ඇති බවත් ඇතැම් මාධ්‍යවේදීන්ද මෙවැනි ප්‍රචාර පතුරුවීමට මුල් වී ඇති බවත් මහින්ද දේශප්‍රිය මහතා මෙහිදී සඳහන් කළා.
ඔහු තවදුරටත් පවසා සිටියේ එවැනි ක්‍රියා සිදු නොවන ආකාරයට කටයුතු කිරීමට පොලිස් දෙපාර්තුමේන්තුව සමත් වනු ඇති බවයි.
පොලීසිය ඒ සඳහා මනා ලෙස සූදානම්ව ඇති බවත් ජ්‍යේෂ්ඨ නියෝජ්‍ය පොලිස්පතිවරු තිදෙනෙක්, මැතිවරණ කටයුතු භාර නියෝජ්‍ය පොලිස්පති, පරිපාලන කටයුතු භාර නියෝජ්‍ය පොලිස්පති, විශේෂ කාර්‍ය භාර නියෝජ්‍ය පොලිස්පති, සෙසු පොලිස්පතිවරු ඇතුළු සෑම නිලධාරියෙකුගේ සිටම ආධුනික පොලිස් කොස්තාපල්වරු දක්වා ඡන්දය නිසි ආකාරව පැවැත්වීමේ වගකීම මැනවින් ඉටු කරනු ඇති බවත්, මහින්ද දේශප්‍රිය මහතා මෙහිදී සඳහන් කර සිටියා.
පොලීසිය ඡන්ද පෙට්ටිය සලකන්නේ පූජා භාණ්ඩයක් ලෙස බවත් පොලීසිය එය උතුම් රාජකාරියක් ලෙස සලක බවත් ඒ අනුව, කිසිදු අයථා සිදුවීමක් සඳහා පොලීසිය කටයුතු නොකරන බවත් මහින්ද දේශප්‍රිය මහතා තවදුරටත් අවධාරණය කළා.
එමෙන්ම, ඡන්ද පෙට්ටි මාරු කළ හැකි බවට මිත්‍යා ප්‍රචාර පතුරුවන පිරිස් ප්‍රතිකාර ගත යුතු බවත් ඡන්ද ගණන් කිරීමේ ක්‍රියාවලිය සහ ප්‍රතිඵල නිකුත් කිරීමේ ක්‍රියාවලිය තුළ ක්‍රියා කිසිසේත්ම සිදු නොවන බවත් ඔහු මෙහිදී පවසා සිටියා.
bahçelievler elektrikçi says: 
